احلى موقع أثاث

هللووو.. بما اني يديده في الساحه وبما اني مصممه ديكور واحب كل شي متعلق بالديكور والثاث راح اتكلم هالمره عن احلي موقع يبيع اثاث واكسسوارات منزليه وبعض المرات اكسسوارات نسائيه ورجاليه .

اسم الموقع onekinglane وهو عباره عن موقع تسوق الكتروني مختص بالاثاث والانتيك والاواني المنزليه وهو من اكثر المواقع المحببه الي قلبي لدرجة ان ما ابتدي يومي الصبح الا اذا زرته وشفت شنو الجديد 

مميزاته:

الشكل العام للموقع  مرتب وحلو وسهل انك توصل للمطلوب..

احب فيه ان كل يوم ينزلون مجموعه جديده من الاثاث يخليك تتشوق لليوم اللي بعده

 والخصومات اسبوعبه

وبالنسبه لاسعاره واااايد حلوه اذا اخذنا بعين الاعتبار ان بعض القطع انتيك وهي عادة تكون غاليه وهم بعد الخامات المستعمله بالقطعه..اما بالنسبه للبقيه اسعاره مناسبه جدا مقارنه باسعار سوق الكويت 

فيه قائمه مختصه بكل قسم بالمنزل مثل غرفة المعيشه :

غرف الطعام                       

   

                                   

chateau_chic_kw cafe

شاتو شيك كافيه عباره عن كافيه ومحل كاكاو وبنفس الوقت فيه قسم صغير لبيع الملابس الراقيه واللي تصلح حق المتحجبات اكثر...المكان له طابع اوربي خاص فيه ..الديكور من تصميمي وتنفيذي وهالمشروع يعتبر اول مشروع لي في مجال تصميم الدييكور الداخلي..
الديكور فيه خلط  بين اكثر من شي مثل الخلط بين القديم واليديد والالوان الهاديه والصارخه وحتي الاكل فيه خلط بين العربي والاوروبي بس بشكل عام الكافيه له طابعه الاوروبي اكثر
الاكل:
 احلي شي بالكافيه طبق السوشي كريب وهو عباره عن كريب محشي بالفواكه وملفوف بطريقه السوشي ومغطي باي نوع من الصلصات اللي يخارها الزبون ومنهم صلصه نوتيلا وصلصه كيندر وصلصه الفستق واخيرا صلصه اللوتس(الهبه الاخيره)
الاسعار :
اعتقد انها راح تناسب الاغلبيه من المدمنين علي الحلويات (لانهم مايركزون بالاسعار وقت الصج)
بشكل عام الاسعار طبيعيه
صور للكافيه :

سوشي كريب

 شكل السقف

 شاي الضحي (high tea)

بان الكيك الكندر